Our Lady Of Medjugorje


Messages From 1989 In Waray-Waray

Tugon ha petsa Enero 25, 1989 "Hinigugma ko na mga anak! Yana nga adlaw, tinatawag ko kamo ngadto ha dalan pagka-santohanon. Mag-ampo na ma-intendihan niyo unta iton husay ngan gahum hi-ne nga dalan di-in nagpapa-himangno an Diyos han Iya kalugaringon ha iyo ha espesyal na pa-agui. Mag-ampo para abre unta kamo ha ngatanan na guin hihimo han Diyos pa-agui ha iyo, na ha kinabuhi niyo, maka-pasalamat kamo ha Diyos ngan ma-lipayon ha ngatanan na guin hihimo Niya pa-agui han kada tawo. Hatag ko ha iyo an akon bendisyun. Salamat han iyo pag-responde hi-ne nga tawag ko."

Tugon ha petsa Pebrero 25, 1989 "Hinigugma ko na mga anak! Yana nga adlaw, ini-imbita ko kamo ha pag-ampo hiton kasing-kasing. Hi-nen bug-os na panahon hin grasya, gusto ko na an kada usa ha iyo makig-usa kan Hesus, pero kon di-re updan hin waray hunong na pag-ampo, di-re niyo ma-sasabtan iton husay ngan gahum han grasya na guin hahalad ha iyo han Diyos. Sanglit, mga anak, pun-a iton iyo kasing-kasing bisan hiton pinakaguti-ay na mga pag a-ampo. Upod ako niyo ngan waray hunong an akon pag-babantay ha kada kasing-kasing na guin halad ha akon. Salamat han iyo pag-responde hi-ne nga tawag ko."

Tugon ha petsa Marso 25, 1989 "Hinigugma ko na mga anak! Tinatawag ko kamo ha kumpleto na pag- halad hin kalugaringon ha Diyos. Tinatawag ko kamo ngadto ha dako na kalipay ngan kalinaw na an Diyos la iton makaka-hatag. Upod ako niyo ngan nag-hahangyo atbang ha Diyos para ha iyo kada adlaw. Tinatawag ko kamo, mga anak, na pamati kamo ha akon ngan ika-buhi adton mga tugon na guin hahatag ko ha iyo. Damo na ka tu-ig ko kamo imbitado ha pagka-santohanon, pero harayo pa kamo. Benebendisyunan ko kamo. Salamat han iyo pag-responde hi-ne nga tawag ko."

Tugon ha petsa Abril 25, 1989 "Hinigugma ko na mga anak! Tinatawag ko kamo ha kumpleto na pag-halad hin kalugaringon ha Diyos. Baya-i iton ngatanan na butang niyo ha mga kamot han Diyos. Amo la i-ne nga pa-agui na kamo magkaka-ada hin kalipay ha kasing-kasing. Mga anak, magma-lipayon kamo dida hiton ngatanan butang na may-ada kamo. Magpa-salamat ha Diyos tungod kay i-to ngatanan, guin regalo han Diyos ha iyo. Pa-agui hito, dida ha kinabuhi niyo, makaka-pasalamat kamo para han ngatanan ngan madi-diskubre niyo an Diyos dida ha tanan na butang, bisan pa dida hiton pinaka guti-ay na bukad. Salamat han iyo pag-responde hi-ne nga tawag ko."

Tugon ha petsa Mayo 25, 1989 "Hinigugma ko na mga anak! Ini-imbita ko kamo yana na magma-abre kamo ha Diyos. Kita-a, mga anak, iton pag a-abre hin kalugaringon hiton natoral na mga hinimo ngan hiton pag-hatag nira hin kinabuhi ngan mga bunga. Kapareho hi-ne, ini-imbita ko kamo na ma-buhi upod an Diyos ngan ha kumpleto na pag-halad hin kalugaringon ha Iya. Mga anak, upod ako niyo ngan gusto ko ipakilala ha iyo hin waray hunong iton kalipay han kinabuhi. Gusto ko na ma-diskubre unta hiton ngatanan an kalipay ngan gugma na mabibiling la ha Diyos, nga an Diyos la iton makaka-hatag. Waray gusto an Diyos ha iyo kundi iton pag-halad niyo hiton iyo kalugaringon. Sanglit, mga anak, seryosoha iton pag-desider niyo ha Diyos tungod kay iton ngatanan daw na-agui la ngan mawawara. An Diyos la iton di-re mawawara. Mag-ampo na ma-diskubre niyo an gahum ngan kalipay hiton kinabuhi na hatag ha iyo han Diyos. Salamat han iyo pag-responde hi-ne nga tawag ko."

Tugon ha petsa Hunyo 25, 1989 "Hinigugma ko na mga anak! Yana nga adlaw, tinatawag ko kamo para ika-buhi an mga tugon na guin hatag ko ha iyo hadin walo ka tu-ig nga nag-labay. Panahon i-ne yana hin grasya ngan gusto ko nga dako na grasya han Diyos an kumada ha kada usa ha iyo. Benebendisyunan ko kamo ngan espesyal iton akon pag-higugma ha iyo. Salamat han iyo pag-responde hi-ne nga tawag ko."

Tugon ha Hulyo 25, 1989 "Hinigugma ko na mga anak! Yana nga adlaw, tinatawag ko na bag-oha niyo iton iyo mga kasing-kasing. Abre-hi iton iyo mga kalugaringon ha Diyos ngan i-halad ha Iya iton ngatanan na kakuri-an ngan mga krus niyo para himo-on han Diyos ito ngatanan na kalipay. Mga anak, di-re kamo makaka-abre hiton iyo kalugaringon ha Diyos kon di-re kamo mag a-ampo. Sanglit, tikang yana nga adlaw, mag-desider kamo pag-konsagra hin oras dida ha adlaw para la ha ka mahilum na enkwentro ha Diyos. Dida hi-ne, puede kamo, upod an Diyos, mag-testigo bahin hi-nen akon pag-kanhi. Mga anak, di-re ko gusto na pug-son kamo. Imbes, libre nga ihatag ha Diyos iton iyo oras, sugad hiton mga anak han Diyos. Salamat han iyo pag-responde hi-ne nga tawag ko."

Tugon ha petsa Agosto 25, 1989 "Hinigugma ko na mga anak! Tinatawag ko kamo ha pag-ampo. Pa-agui ha pag a-ampo, mga anak, magkaka-ada kamo hin kalipay ngan kalinaw. Pa-agui ha pag a-ampo, mas riko kamo ha kalo-oy han Diyos. Sanglit, mga anak, himo-a iton pag-ampo na kinabuhi hiton kada usa ha iyo. Espesyal an tawag ko na mag-ampo kamo para adton ngatanan nga harayo ha Diyos mag bag-o unta hin kinabuhi ha pagka Diyos-non. Despues, an aton mga kasing-kasing mas-ririko tungod kay an Diyos mag-hahadi sulod ha kasing-kasing han tanan katawhan. Sanglit, mga anak, mag-ampo, mag-ampo, mag-ampo! An mga pag-ampo patikanga pag-hadi ha bug-os na kalibutan. Salamat han iyo pag-responde hi-ne nga tawag ko."

Tugon ha petsa Septembre 25, 1989 "Hinigugma ko na mga anak! Yana nga adlaw, ini-imbita ko kamo na magpa-salamat ha Diyos para han ngatanan na mga regalo nga na-diskubre niyo dida hiton iyo kinabuhi, bisan pa adton pinakaguti-ay na regalo nga namati-an niyo. Nagpapasalamat ako upod niyo, ngan gusto ko na kamo ngatanan maprobaran iton kalipay dara hi-nen mga regalo. Ngan gusto ko na an Diyos mahimo na ngatanan para hiton kada usa ha iyo. Despues, mga anak, tutubo kamo ha dalan pagka-santohanon. Salamat han iyo pag-responde hi-ne nga tawag ko."

Tugon ha petsa Oktubre 25, 1989 "Hinigugma ko na mga anak! Yana nga adlaw liwat, ini-imbita ko kamo ha pag-ampo. Permi ko kamo guin i-imbita pero harayo pa kamo. Sanglit, tikang yana nga adlaw, mag-seryoso pag-desider pag-halad hin oras ha Diyos. Upod ako niyo ngan gusto ko tudru-an kamo mag-ampo na upod an kasing-kasing. Dida ha kinasing-kasing na pag a-ampo, ma e-enkwentro niyo an Diyos. Sanglit, mga anak, mag-ampo, mag-ampo, mag-ampo! Salamat han iyo pag-responde hi-ne nga tawag ko."

Tugon ha petsa Nobyembre 25, 1989 "Hinigugma ko na mga anak! Ini-imbita ko kamo hadin mga tu-ig nag-labay pa-agui hi-nen mga tugon hatag ko ha iyo. Mga anak, pa-agui hi-nen mga tugon, gusto ko mag-himo hin mahusay nga retrato sulod ha kasing-kasing niyo, para ma-presenta ko an kada usa ha iyo ngadto ha Diyos sugad hin orihinal na imahe. Sanglit, mga anak, gusto ko na libre kamo mag-desisyun pag-pipili atbang ha Diyos tungod kay guin tagan kamo Niya hin kalibrehan mag-dedesider. Sanglit, mag-ampo, para gawas ha abot ni Satanas, maka-desider kita unta para la ha Diyos. Guin a-ampo ko kamo atbang ha Diyos ngan guin bibiling ko iton iyo pag-halad hin kalugaringon ha Diyos. Salamat han iyo pag-responde hi-ne nga tawag ko."

Tugon ha petsa Disyembre 25, 1989 "Hinigugma ko na mga anak! Yana nga adlaw, espesyal ko na benebendisyunan kamo hit akon kinag-anak na bendisyun ngan nag-hahangyo ako atbang ha Diyos na regalohan kamo pag bag-o hin kasing-kasing pagka Diyos-non. Damo na ka tu-ig ko kamo tinatawag ngan hinahangyo ha halarum ngan sim-ple na kinabuhi espiritwal, pero ma-bugnaw kamo. Sanglit, mga anak, ina-aro ko ha iyo na karawta ngan seryosoha iton pag-buhi han akon mga tugon, para di-re magmasulob-on iton iyo kalag kon di-re na ako upod niyo, ngan kon di-re ko na kamo matutugwayan sugad hiton gudti na kabata-an dida ha una nira pag-pipitad. Sanglit, mga anak, basaha kada adlaw an akon mga tugon ha iyo ngan himo-a ito na kinabuhi. Hinihigugma ko kamo, sanglit, tinatawag ko kamo ngatanan ha dalan pagka-salba ka-upod an Diyos. Salamat han iyo pag-responde hi-ne nga tawag ko."


Last Modified 01/25/2015