Our Lady Of Medjugorje

Messages From 2011 In Papiamento

Mensage di 25 di Yanüari, 2011 "Mi yunan stimá! Awe tambe Mi ta ku boso i Mi ta mira boso, Mi ta bendishoná boso i Mi no ta pèrdè speransa ku e mundu akí lo kambia pa bon i ku pas lo reina den kurason di tur hende. Legria lo reina rònt mundu pasobra boso a abrí boso mes na mi yamada i na amor di Dios. Spiritu Santu ta kambia tur esnan ku a bisa “Sí!”. Pesei mi ta deseá di bisa boso: Danki pa korespondé na mi yamada." 01/2011

Mensage di 25 di Febrüari, 2011 "Mi yunan stimá! Meskos ku naturalesa ta reakshoná riba e kondishonnan di tempu faborabel, i e matanan ta kuminsá floria i despues kuminsá duna fruta, asina Mi ta deseá ku boso tambe ta trata riba boso kombershon. Mi ta spera ku boso mes lo duna testimonio ku boso bida, p'asina boso ehèmpel sea pa otronan un señal i un estímulo pa kombertí. Mi ta ku boso i Mi ta intersedé serka mi Yu Hesus pa boso kombershon. Danki pa korespondé na mi yamada." 02/2011

Mensage di 25 di Mart, 2011 "Mi yunan stimá! Na un manera speshal awe Mi ta deseá di invitá boso na kombershon. For di awe, kuminsá un bida nobo den boso kurason. Mi yunan stimá, mi ta deseá di mira boso "Sí" i ku boso bida sea di biba boluntat di Dios ku legria den tur momento di boso bida. Awe, na un manera speshal, Mi ta bendishoná boso ku mi bendishon maternal di pas, di amor i di unidat den mi Kurason i den Kurason di mi Yu Hesus. Danki pa korespondé na mi yamada." 03/2011

Mensage di 25 di Aprel, 2011 "Mi yunan stimá! Meskos ku naturalesa ta mustra e kolónan di mas bunita di henter ańa, Ami tambe ta invitá boso pa boso duna testimonio ku boso bida i pa boso yuda otro aserká mi Kurason Imakulá, pa e vlam di amor pa Dios Todopoderoso por brota den nan kurason. Ami ta ku boso i kontinuamente Mi ta resa pa boso bida sea un imágen di e Paraiso aki na tera. Danki pa korespondé na mi yamada!" 04/2011

Mensage di 25 di Mei, 2011 "Mi yunan stimá! Mi orashon awe ta pa tur esnan ku ta buska e grasia di kombershon. Boso ta bati na porta di mi Kurason, pero sin speransa ni orashon, bibando den piká i sin e Sakramento di Rekonsiliashon ku Dios. Bandoná piká i disidí, mi yunan stimá, pa santidat. Asina so Mi por yuda boso i skucha boso orashon i intersedé dilanti di Dios Altísimo. Danki pa korespondé na mi yamada!" 05/2011

Mensage di 25 di Yüni, 2011 "Mi yunan stimá! Laga gradisí Altísimo huntu ku Mi pa mi presensia meimei di boso. Mi kurason ta legra ora Mi mira e amor i alegria ku kua boso ta biba mi mensagenan. Hopi di boso a korespondé, pero Mi ta spera i buska tur e kurasonnan ku ta na sońo, pa nan spičrta for di sońo di inkredulidat. Mi yunan stimá boso aserká mi Kurason Imakulá pa Mi kondusí boso tur na eternidat. Danki pa korespondé na mi yamada! 06/2001

Mensage di 25 di Yüli, 2011 "Mi yunan stimá! Mare e tempu akí por ta pa boso un tempu di orashon i di silensio. Laga boso kurpa i boso spiritu sosegá, permanesé den amor di Dios. PčrmitíMi, mi yunan stimá, pa Mi guia boso, abri boso kurason na Spiritu Santu pa tur loke ta bon den boso, floresé i produsí e fruta te shen be mas tantu . Kuminsá i kaba e dia ku orashon hasí for di profundo di bo kurason. Danki pa korespondé na mi yamada." 07/2011

Mensage di 25 di Ougůstůs 2011 "Mi yunan stimá! Awe mi ta invitá boso pa resa i yuna pa mi intenshonnan, pasobra Satanas ke destruí mi plan. Mi a kuminsá na un parokia na Medjugorje i Mi a yama henter mundu. Hopi hende a korespondé, sinembargo e kantidat di hende ku no ke skucha ni aseptá mi invitashon, ta grandi. Pesei, boso ku a bisa: ‘SÍ’, sea fuerte i desididu. Danki pa korespondé na mi yamada." 08/2011

Mensage di 25 di Sčptčmber, 2011 "Mi yunan stimá! Mi ta invitá boso pa e tempu akí sea pa boso tur un tempu pa duna testimonio. Boso, ku ta biba den e amor di Dios a eksperensiá su donnan, duna testimonio ku boso palabra i ku boso bida pa boso sea legria i motivashon den fe pa tur hende. Mi ta ku boso i Mi ta intersedé konstantemente pa boso tur dilanti di Dios, pa boso fe sea semper bibu i alegre i den e vamor di Dios. Danki pa korespondé na mi yamada." 09/2011

Mensage di 25 di Ňktober, 2011 "Mi yunan stimá! Mi ta mira boso, pero Mi no ta mira legria den boso kurason Awe Mi ta deseá di duna boso e alegria di Esun Resusitá, pa E guia boso i brasa boso ku su amor i ku su karińo. Mi ta stima boso i Mi ta resa kontinuamente pa boso kombershon, dilanti di mi Yu Hesus. Danki pa korespondé na mi yamada." 10/2011

Mensage di 25 di Novčmber 2011 "Mi yunan stimá! Awe Mi ta deseá duna boso speransa i legria. Tur loke ta rondoná boso, mi yunan stimá, ta kondusí boso na e kosnan di mundu. Sin embargo, Mi ta deseá hiba boso na e tempu di grasia, pa durante e tempu akí boso lo por keda mas serka di mi Yu, pa E por guia boso na su amor i na bida eterno, ku tur kurason ta anhelá. Boso, mi yunan stimá, resa, i mare e tempu akí por ta pa boso un tempu di grasia pa boso alma. Danki pa korespondé na mi yamada." 11/2011

Mensage di 25 di Desčmber, 2011 "Mi yunan stimá! Awe tambe mi ta trese den mi brasanan mi Yu Hesus, pa E duna boso su pas. Resa, mi yunan stimá, pa den kada kurason por reina e pas dibino ku niun hende no por destruí, i no e pas ku hende ta duna. Esaki ta e pas di kurason ku Dios ta duna na esnan ku E ta stima. Boso tur, pa medio di Boutismo, ta yamá i ta stimá na un manera spesial, pesei, duna testimonio i resa pa boso sea mi mannan ekstendé riba e mundu akí, ku ta anhelá Dios i pas. Danki pa korespondé na mi yamada." 12/2011

Last Modified 02/27/2012