Our Lady Of MedjugorjeMessages From 2012 In Waray-WarayTugon ha petsa Enero 02, 2012 "Hinigugma ko na mga anak; ha kinag-anak na kabaraka tinatan-aw ko an iyo mga kasing-kasing, dida nakikita ko an hapdi ngan kakurian; nakikita ko an samad han nag-agui na panahon ngan an waray hunong kabibiling; nakikita ko an akon mga anak na gusto magmalipayon pero di ma-aram hit pa-agui. Abrehi an iyo kalugaringon ha Diyos Amay. Amo i-ne an pa-agui ngadto ha pagkamalipayon, an pa-agui na gusto ko kamo unahan. An Diyos Amay di-re gayud binabaya-an an Iya mga anak na hira-hira la, labi na dida ha ka-sakit ngan ka-waray pagla-um. Kon iyo masasabtan na ngan makakarawat i-ne, malilipay kamo. Matatapos an iyo pagbibiling. Mag-hihigugma kamo ngan di-re kamo ma-hahadlok. Mahihimo an kinabuhi niyo na pagla-um ngan katinu-oran na amo i-ne an Anak ko. Salamat ha iyo. Hinahangyo ko ha iyo, ig-ampo niyo an mga pinili han Anak ko. Ayaw pag-husga tungod na kamo ngatanan paghuhusgahan." 01/02/2012 Tugon ha petsa Enero 25, 2012 "Hinigugma ko na mga anak! U-pod an kalipay yana nga adllaw, tinatawag ko kamo na mag-abre han iyo mga kasing-kasing ngan pamati ha tawag ko. Ino-otro ko, gusto ko kamo dad-on paharani ha akon Imakulada na Kasing-kasing, nga dida makakakita kamo hin masisirungan ngan kalinawan. Abrehi an iyo kalugaringon ha pag a-ampo, hasta nga magdara i-ne hin kalipay ha iyo. Pa-agui han pag-ampo, an Labaw na Kahitas-on mag-hahatag ha iyo hin damo na grasya ngan kamo mahihimo na pa-halaba han akon mga kamot din-he ha masamok na kalibutan na sigue an pangandoy hin kalinaw. Mga anak, gamit an iyo mga kinabuhi, mag-testigo bahin han pag-sarig ngan mag-ampo kamo na an pagsa-sarig tumubo adlaw-adlaw dida ha iyo mga kasing-kasing. A-anhi ako u-pod niyo. Salamat han iyo pag-tagad hi-ne nga tawag ko." 01/25/2012 Tugon ha petsa Pebrero 02, 2012 "Hinigugma ko na mga anak; A-anhi ako upod niyo hin damo ka beses na ngan ha ma-iha na panahon akon tinutudlok ha iyo an pag-atubang han Diyos ngan an waray katapusan han Iya paghigugma, na gusto ko mahibaro-an niyo ngatanan. Ngan kamo mga anak? Padayon la an iyo ka-bungol ngan ka-buta dida ha pag tatan-aw niyo han iyo palibot ngan di-re niyo gusto makita kon tika-in an kalibutan kon waray an Anak ko. Guin sasalikway niyo Hiya - na ha Iya mismo nag-titikang an ngatanan na mga grasya. Namamati kamo ha pag-yayakan ko ha iyo pero sarado an iyo mga kasing-kasing ngan di-re niyo ako nababati-an. Di-re kamo nag a-ampo ha Espiritu Santo para tagan kamo unta hin kahayag. Mga anak, nag-hahadi ha iyo an pagka-garboso. Tinutudlok ko ha iyo an pagka ma-inobsanon. Mga anak, hinumdumi na an kalag na mapa-inobsanon la an sisilaw dara han ka-puri ngan ka-husay tungod na nahibal-an niya an paghigugma han Diyos. Iton mapa-inobsanon la na kalag an na a-ngay ha langit, tungod kay nadida an Anak ko. Salamat ha iyo. Ino-otro ko an pag-hangyo ha iyo na ig-ampo an mga pinili han akon Anak-hira na iyo mga magbarantay." 02/02/2012 Tugon ha petsa Pebrero 25, 2012 "Hinigugma ko na mga anak! Yana nga panahon, ha espesyal na pa-agui, tinatawag ko kamo: 'mag-ampo upod an iyo kasing-kasing '. Mga anak, damo an iyo guin yayakan ngan guti-ay la an iyo pag a-ampo. Mag-basa ngan hunahuna-a an Sagrado na mga Surat, ngan hina-ut unta na an mga pulong na sinurat didto mag-hatag hin pag-kabuhi niyo. Nag-hihingkamot ako ngan hinihigugma ko kamo, para nga dida ha Dios makita niyo an iyo kalinaw ngan kalipay ha pag-kabuhi. Salamat han iyo pag tagad hi-ne nga tawag ko." 02/25/2012 Tugon ha petsa Marso 02, 2012 "Hinigugma ko na mga anak; pa-agui han di masusuklan na paghigugma han Diyos, kakanhi ako ha ligid niyo ngan sigue an pagtawag ko ha iyo pakadto ha mga butkon han Anak ko. Upod an kinag-anak na kasing-kasing, hinahangyo ko kamo, mga anak, upod an sigue na pahimang-no, na an pagka-baraka hadton di pa nakakakilala han akon Anak amo an u-unahon niyo. Ayaw pag- tugot na dida han ira pag tan-aw ha iyo ngan an iyo kinabuhi, di-re hira nag-dadahum na makilala Hiya. Mag-ampo ha Espiritu Santo na an Anak ko ma-timbre dida ha iyo. Mag-ampo na mahimo kamo na apostoles han langit-non na ka-hayag yana nga panahon hin ka-sirum ngan ka waray pagla-um. Yana an oras han pag-sulay ha iyo. Bitbit an rosaryo ngan an higugma dida ha iyo kasing-kasing, updi ako. Guin u-unahan ko kamo ngadto ha Pagkabanhaw dida ha Anak ko. Ig-ampo an mga pinili han Anak ko para permi hira mabuhi pa-agui ha Iya ngan dida mismo ha Iya - Hiya nga amo an Kahitas-on na Pade. Salamat ha iyo." 03/02/2012 Tinu-ig na Pagpapakita kan Mirjana - Marso 18, 2012 An pinakita-an na hi Mirjana Dragicevic-Soldo nagka-ada hin pag-papakita tikang ha Hunyo 24, 1981 hasta Disyembre 25, 1982. Dida han katapusan na pag-papakita, guin hatag ha iya han aton Mahal na Birhen an ika-napulo na tugon-sekreto, ngan guin sidngan hiya na tinu-ig nala mag-papakita ha iya, ha petsa 18 han Marso. Amo i-ne an nahitabo tinu-ig tikang hadto. Yukot-yukot na deboto an nag tirok ha pangade han Rosaryo didto ha lugar han 'Asul na Krus'. An pag-pakita inabot tikang ha 14:00 hasta 14:05 (alas 2:00 hasta alas 2:05 ha kulop, oras didto ha ira). "Hinigugma ko na mga anak! Nakanhi ako ha iyo tungod na gusto ko an mag-nanay ha iyo - an iyo taga-hangyo. Gusto ko na ako an bugkos butnga niyo ngan han Langit-non na Amay - an tag-hangyo niyo. Gusto ko tugwayan ngan updan kamo dida ha guerra kontra han mara-ut na espiritu. Mga anak, i- konsagra ha akon an iyo mga kalugaringon. Dadad-on ko an iyo mga kinabuhi ha akon inay-non na mga kamot ngan tutudro-an ko hira hin kalinaw ngan pag-higugma, ngan ihahatag ko i-ne hira ha Anak ko. Ina-aro ko ha iyo na mag-ampo ngan mag pu-asa kay amo la i-ne an pa-agui na mahihibaro-an niyo an husto na pag-titestigo bahin han Anak ko pa-agui han akon kinag-anak na kasing-kasing. Ig-ampo an iyo mga magbarantay, na dida ha paghi-usa ha akon Anak, permi nira i-kalipay an pag-proproklama han Pulong han Diyos. Salamat ha iyo." Tugon ha petsa Marso 25, 2012 "Hinigugma ko na mga anak! Yana nga adlaw liwat, dara an kalipay, gusto ko i-hatag an akon kinag-anak na bendisyun ngan tawagon kamo ha pag-ampo. Hina-ut unta na an pag -ampo mahimo na kinahanglan niyo kada adlaw para pag-tubo han iyo pagka-santohanon. Paningkamot pa kamo pagbabag-o ha pagka Diyos-non kay harayo pa kamo, mga anak. Salamat han iyo pag-tagad hi-ne nga tawag ko." 03/25/2012 Tugon ha petsa Abril 02, 2012 "Hinigugma ko na mga anak, komo Reyna han Kalinaw, gusto ko i-hatag ha iyo an kalinaw, mga anak, iton tinu-od na kalinaw nga tikang ngan nag a-agui ha kasing-kasing han Diyos-non na Anak ko. Komo nanay, nag a-ampo ako na mag-hadi ha iyo mga kasing-kasing an pagka ma-aram, pagka ma-inobsanon ngan pagka ma-upay - na mag-hadi an kalinaw - na mag-hadi unta an Anak ko. Kon an akon Anak an mag-hahadi na dida ha iyo mga kasing-kasing, mabubuligan niyo an iba para mahibaro ha Iya. Kon an langit-non na kalinaw an mag-hadi labaw niyo, adton mga nagbibiling hi-ne, dida ha di-re amo na mga lugar na nagdadara kahapdos ha akon kasing-kasing, amo an makakakilala hi-ne. Mga anak, dadako an akon kalipay kon makikita ko an pag-karawat niyo han akon mga pulong ngan kon gusto niyo ako sundan. Ayaw ka-hadlok kay di-re kamo-kamo la an a-ada. I-hatag ha akon an iyo mga kamot ngan tutugwayan ko kamo. Ayaw kalimoti an iyo mga magbarantay. Ig-ampo na dida han ira mga huna-huna permi hira upod unta han akon Anak na amo an nag tawag ha ira na mag testigo bahin ha Iya. Salamat ha iyo." 04/02/2012 Tugon ha petsa Abril 25, 2012 "Hinigugma ko na mga anak! Yana nga adlaw liwat, tinatawag ko kamo ha pag-ampo, ngan hina-ut unta, mga anak, na mag-abre an iyo kasing-kasing pakadto ha Diyos sugad han pag-abre han bukad ngadto ha tika-paso nga adlaw. A-anhi ako upod niyo ngan taga-hangyo para ha iyo ngatanan. Salamat han iyo pag-tagad hi-ne nga tawag ko." 04/25/2012 Tugon ha petsa Mayo 02, 2012 "Hinigugma ko na mga anak! Upod an kinag-anak na paghigugma, hinahangyo ko na ihatag niyo ha akon an iyo mga kamot, tugoti ako na tugwayan ko amo. Gusto ko, komo nanay, na masalba kamo han iyo ka go-ol, ka waray pagla-um ngan ngan ka waray katapusan na pagka-harayo. Dida ha pagkamatay Niya ha Krus, pinakita han akon Anak an ka dako han pag-hihigugma Niya ha iyo; guin sakripisyo an Iya Kalugaringon para ha iyo ngan han iyo mga sala. Ayaw i-padayun iton sigue niyo na pag wa-waray pulos han Iya pag-sakripisyo ngan ayaw niyo otro-otroha an Iya pag a-antos dara hiton iyo mga sala. Ayaw otro-otroha na sinasarhan niyo an mga porta ha Langit para han iyo kalugaringon. Mga anak, ayaw saya-ngi an oras. Waray mas importante pa hadton pag pahi-usa niyo ha Anak ko. Bubuligan ko kamo kay guin sugo ako han Langit-non na Amay para mapakita naton an dalan ngadto han grasya ngan pagka-salba para hadton di-re nakilala pa ha Iya. Ayaw patig-aha an iyo kasing-kasing. Mag kompyansa ha akon ngan higugma-a niyo an akon Anak. Mga anak, di-re kamo puede kon waray an mga magbarantay. Hina-ut unta na ig-aampo niyo hira kada adlaw. Salamat ha iyo." 05/02/2012 Tugon ha petsa Mayo 25, 2012 "Hinigugma ko na mga anak! Yana nga adlaw liwat, tinatawag ko kamo ngada hin pag babag-o ngadto ha pagka Diyos-non ngan pagka-santohanon. Gusto han Diyos na hatagan kamo hin kalipay ngan kalinaw pa- agui han pag-ampo pero kamo, mga anak, harayo pa - nakabugkos ha kalibutan ngan ha mga kalibutan-on na butang. Sanglit, ino-otro pag tawag: abrehi an iyo kasing-kasing ngan an iyo panan-aw pa-atubang ha Diyos ngan ha mga butang han Dyos - ngan an kalipay ngan an kalinaw mag-hahadi ha sulod han iyo mga kasing-kasing. Salamat han iyo pag tagad hi-ne nga tawag ko." 05/25/2012 Tugon ha petsa Hunyo 02, 2012 "Hinigugma ko na mga anak, sigue ako ka-upod niyo tungod na, dara an akon waray katapusan na higugma, gusto ko i-pakita ha iyo an porta han Langit. Gusto ko i-tudro ha iyo an pag a-abre hi-ne: pa-agui han pagka ma-upay, pagka maloloy-on, pag hihigugma ngan an kalinaw - pa-agui ha akon Anak. Sanglit, mga anak, ayaw saya-ngi an oras niyo ha pag garbo han kalugaringon. An pag-hibaro han pag-higugma han akon Anak an amo la na makaka-salba ha iyo. Pa-agui hi-ne nga pang-salba na gugma ngan an Espiritu Santo, guin pili Niya ako ngan ako, upod Niya, pinipili kamo na himo-on apostoles han Iya pag-higugma ngan kabobot-on. Mga anak, dako an responsibilidad na guin butang ha iyo. Gusto ko na, pa-agui han iyo ehemplo, makabulig i-balik an panan-aw han mga may-sala, mabuligan an kalag nira ngan makabalik hira ha akon pag-gakus. Sanglit, mag-ampo, mag-ampo, magpu-asa ngan mag-kumpisal hin masukot. Kon an pagkakarawat niyo han akon Anak dida ha Eukaristiya amo an bubut-nga han iyo kinabuhi, intonses ayaw kahadlok, mahihimo niyo an ngatanan. A-ada ako upod niyo. Kada adlaw nag a-ampo ako para han mga magbarantay ngan amo liwat i-ne an pamulat ko na buhaton niyo. Tungod, mga anak, kon waray an ira mga tugon-abiso ngan pagpakusog pa-agui han ira bendisyun, di-re niyo mahihimo. Salamat ha iyo." 06/02/2012 Tugon ha petsa Hunyo 25, 2012 "Hinigugma ko na mga anak! Upod an dako na pagla-um ha kasing-kasing, yana nga adlaw tinatawag ko kamo ha pag-ampo. Kon mag a-ampo kamo, mga anak, kamo upod ko ngan nag-bibiling kamo han kabobot-on han Anak ko, ngan binubuhi niyo ito. Abrehi an kalugaringon ngan ika-buhi an pag-ampo, ngan ha kada oras, mag-hatag unta i-ne hin pag-salba ngan kalipay han iyo kalag. A-anhi ako upod niyo ngan nag-hahangyo ako para ha iyo tanan atbang han akon Anak na hi Hesus. Salamat han iyo pag tagad hi-ne nga tawag ko." 06/25/2012 Tinu-ig na Pagpapakita kan Ivanka - Hunyo 25, 2012 Dida han Iya katapusan na inadlaw na pagpapakita hadton Mayo 7, 1985, guin hatag han Mahal na Birhen kan Ivanka an ika-napulo na tugon-sekreto ngan guin sidngan hiya na magpapakita nala hiya usa ka beses kada tu-ig dida han anibersaryo han mga pagpapakita niya. Amo i-ne an nahitabo yana nga tu-ig. An pagpapakita, na umabot hin 7 ka minuto, nahitabo didto han balay-pamilya nira Ivanka. An pamilya ni Ivanka la an nadidto han pagpakita. Han tapos na an pagpapakita, nag siring hi Ivanka: Nag pulong ha akon an aton Mahal na Birhen bahin han ika-lima na tugon-sekreto ngan ha pagtatapos nag-siring: "Hinahatag ko ha iyo an akon kinag-anak na bendisyun. Mag ampo para han kalinaw, kalinaw, kalinaw." Tugon ha petsa Hulyo 02, 2012 "Hinigugma ko na mga anak; ino-otro ko, ha kinag-anak na pa-agui, hinahangyo ko ha iyo na hunong anay ngan hunahuna-a an iyo kalugaringon ngan iton di-re ka-permanente han iyo kinabuhi din-he ha kalibutan. Ngan hunahuna-a iton di-re natatapos na panahon ngan an waray katapusan na pulong han katinu-oran. Ano an gusto niyo? Ha-in na dalan an gusto niyo agui-an? An pag-higugma han Langit-non na Amay an nag-susugo ha akon na mag taga-hangyo para ha iyo, na mapakita ko ha iyo, upod an kinag-anak na gugma, an dalan tikadto hin pagka-puro han kalag; an kalag na waray kabug-at dara hin sala; an kalag na mahihibaro-an iton di-re natatapos na panahon. Nag a-ampo ako na an kahayag han pag-higugma han akon Anak amo an mag-hayag ha iyo, para magda-ug kamo kontra han kahinay ngan ma-gawsan niyo an kakuri-an. Akon kamo mga anak ngan gusto ko na kamo ngatanan magpakadto ha dalan han pagka-salba. Sanglit, mga anak, libot kamo ha akon para mapa-hibaro ko ha iyo an gugma han akon Anak ngan ma-abrehan an porta han waray katapusan na pulong han katinu-oran. Mag-ampo, sugad ha akon, para han iyo mga magbarantay. Ino-otro ko an pahimangno ha iyo: ayaw pag-husga ha ira, tungod na an akon Anak amo an nag-pili ha ira. Salamat ha iyo." 07/02/2012 Tugon ha petsa Hulyo 25, 2012 "Hinigugma ko na mga anak! Yana nga adlaw tinatawag ko kamo ngadto ha 'pagka ma-upay'. Mag taga-dara kamo hin kalinaw ngan ka-upayan din-he ha kalibutan. Pag-ampo na hatagan unta kamo han Diyos hin kakusog para an pagla-um ngan an kahitaas-non permi mag-hadi dida han iyo kasing-kasing ngan kinabuhi tungod na anak kamo han Diyos ngan taga-dara kamo han Iya pagla-um nganhi ha kalibutan na waray kalipay ha kasing-kasing, ngan waray kakadtu-an, tungod nga di-re abre an kasing-kasing ngadto ha Diyos na Hiya amo an iyo pagka-salba. Salamat han iyo pag-tagad hi-ne nga tawag ko." 07/25/2012 Tugon ha petsa Agosto 02, 2012 "Hinigugma ko na mga anak, upod ako niyo ngan di-re ako huhunong. Gusto ko makilala niyo an Anak ko. Gusto ko na an akon mga anak maka-upod ha akon ngadto ha waray katapusan na kinabuhi. Gusto ko masuwayan niyo an kalipay dara han kalinaw ngan magka-ada kamo hin waray katapusan na pagka-salba. Nag a-ampo ako na ma-lakbayan niyo unta an kahinay han pagka-tawo. Hinahangyo ko ha Anak ko na tagan kamo hin puro na mga kasing-kasing. Hinigugma ko na mga anak, iton mga puro na kasing-kasing la an ma-aram mag-dara hin krus ngan mag-sakripisyo para hadton may mga sala na nag-hatag hin kasakit ha Langit-non na Amay na, bisan yana nga adlaw, sigue pa an an ira pag-hatag kasakit ha Iya, bisan kon di-re pa nira kilala Hiya. Nag a-ampo ako na mahibaro-an niyo an kahayag hiton tinu-od na pag-sarig na nag-titikang la ha pag-ampo han mga puro na kasing-kasing. Dida hi-ne, an tanan na kaharani niyo makakasuway han paghigugma han akon Anak. Ig-ampo an mga guin pili han akon Anak na u-una pag-dara ha iyo ngadto ha pagka-salba. Hina-ut unta na an iyo mga baba mag-likay ha kada okasyon na pag-huhusga. Salamat ha iyo." 08/02/2012 Tugon ha petsa Agosto 25, 2012 "Hinigugma ko na mga anak! Yana nga adlaw liwat, dara an pagla-um ha kasing-kasing, nag a-ampo ako para ha iyo ngan nag papasalamat ha Kahitas-on para han kada usa ha iyo na pinabubuhi an mga tugon ko upod an ira kinasing-kasing. Magpa-salamat han paghigugma han Diyos na ma-higugma ko ngan madara an kada usa ha iyo, pa-agui han akon Imakulada na Kasing-kasing, ngadto ha Diyos-non na pag bag-o hin kinabuhi. Abrehi an iyo mga kasing-kasing ngan pili-i niyo an pagka-santohanon, ngan an pagla-um amo an mag-hahatag hin kalipay han iyo mga kasing-kasing. Salamat han iyo pag-tagad hi-ne nga tawag ko." 08/25/2012 Tugon ha petsa Septembre 02, 2012 " Hinigugma ko na mga anak, ha katatan-aw ha iyo hiton akon mga mata, guin bibiling han kalag ko iton mga kalag na gusto niya mahi-usa - iton mga kalag nga naka-intende na kon ano ka importante an pag a-ampo para hadton akon mga anak na di-re pa nakakahibaro han paghigugma han Langit-non na Amay. Tinatawag ko kamo tungod kay kinahanglan ko kamo. Karawta niyo an misyon ngan ayaw kahadlok, pa-kukusgon ko kamo. Pupun-on ko kamo han akon mga grasya. Dara an akon paghigugma, propotektahan ko kamo kontra han mara-ut na espiritu. A-ada ako upod niyo. Upod han pag atubang ko ha iyo, tatagan ko kamo hin konsuelo ha oras iton paghihimakuri niyo. Salamat han iyo abre na mga kasing-kasing. Mag-ampo para han mga pade. Ig-ampo na an paghi-usa nira ngan han akon Anak ku-kusog pa unta, na hira unta mahi-usa. Salamat ha iyo." 09/02/2012 Tugon ha petsa Septembre 25, 2012 "Hinigugma ko na mga anak! Kon a-ada kamo nalilibotan han natural na hinimo han Diyos, tan-awa niyo an kahusay hiton iba-iba na kolor na guin hahatag ha iyo han Kahitas-on, abrehi an iyo kasing-kasing ngan mag-ampo dara an pasalamat para hadton ngatanan nga kaupayan na nakarawat niyo ngan mag-siring: 'A-anhi ako guin himo para han waray katapusan'-ngan mangandoy para han langit-non na mga butang tungod kay hinihigugma kamo han Diyos hin gugma na waray sukol. Amo nga tungod hi-ne, guin sugo Niya ako na mag-sumat ha iyo nga: 'Dida la ha Diyos an iyo kalinaw ngan pagla-um, mga anak'. Salamat han iyo pag-tagad hi-ne nga tawag ko." 09/25/2012 Tugon ha petsa Oktubre 02, 2012 "Hinigugma ko na mga anak, tinatawag ko kamo ngan nakanhi ako ha iyo tungod kay kinahanglan ko kamo. Kinahanglan ko an mga apostoles na puro iton kasing-kasing. Nag a-ampo ako, ngan kamo liwat mag-ampo, na himo-on ngan unahan kamo han Espiritu Santo, na unta tagan kamo Niya hin kahayag ngan pun-an kamo hin pag-higugma ngan pagka ma-inobsanon. Mag- ampo nga pun-an kamo Niya hin grasya ngan kalo-oy. Dida la niyo ako ma i-intendihan, mga anak. Dida la niyo ma i-intendihan an kahapdos ko tungod hadton mga di-re pa nakakahibaro han paghigugma han Diyos. Din-he niyo ako mabubuligan. Kamo an akon mga taga-dara han hayag hiton gugma han Diyos. Kamo an mag-hahayag hiton dalan para hadton mga guin hatagan hin mga mata pero di-re gusto makakita. Gusto ko na tanan kamo mga anak makakita han Anak ko. Gusto ko an ngatanan na akon anak makasuway han Iya Guinhadi-an. Ino-otro ko pag-tawag ngan pag-hangyo ha iyo na ig-ampo an mga guin tawag han akon Anak. Salamat ha iyo." 10/02/2012 Tugon ha petsa Oktubre 25, 2012 "Hinigugma ko na mga anak! Yana nga adlaw tinatawag ko kamo na mag-ampo para han akon mga intensyon. Balik pag-otro han pag pupu-asa ngan an pag a-ampo tungod kay hi Satanas tuso ngan nakaka-enganyo hin mga kasing-kasing ngadto ha pagka-sala ngan ha ka-waray katalwasan. Tinatawag ko kamo, mga anak, ha pagka-santohanon ngan ha pagka-buh dida hin grasya. Higugma-a an akon Anak para pun-an kamo han Iya kalinaw ngan paghigugma na amo an iyo guin papamulat. Salamat han iyo pag-tagad hi-ne nga tawag ko." 10/25/2012 Tugon ha petsa Nobyembre 02, 2012 "Hinigugma ko na mga anak, komo nanay, hinahangyo ko ha iyo na mag- padayon ha pagka apostoles ko. Nag a-ampo ako ha akon Anak na tagan kamo hin Diyos-non na ka-araman ngan kakusog. Nag a-ampo ako na ma-intendihan niyo an ngatanan palibot niyo oyon ha katinu-oran han Diyos ngan ma-kontrahan niyo an tanan na gusto magpa-harayo ha iyo ngan han akon Anak. Nag a-ampo ako na mag-testigo kamo unta han paghigugma han Langit-non na Amay ka-oyon han akon Anak. Mga anak, dako na grasya an guin hatag ha iyo para mag-testigo bahin han paghigugma han Diyos. Ayaw i-ba-le waray i-ne nga responsibilidad. Ayaw tagui hin kasulob-on an akon kinag-anak na kasing-kasing. Komo nanay, gusto ko maka-sandog ha akon mga anak, ha akon mga apostoles. Pa-agui han pag pu-asa ngan pag-ampo ina-abrehan niyo an dalan para han akon pag-ampo ha Anak ko na Hiya makada ha ligid niyo ngan para an ngaran Niya mapa santohanon pa-agui ha iyo. Ig-ampo an mga magbarantay tungod na waray hi-ne matutuman kon waray hira. Salamat ha iyo." 11/02/2012 Tugon ha petsa Nobyembre 25, 2012 "Hinigugma ko na mga anak! Yana nga panahon hin grasya, tinatawag ko kamo ngatanan na mag bag-o hin pag-ampo. Abrehi an iyo kalugaringon ha Santohanon na Pangungumpisal para an kada usa ha iyo karawaton unta hin tibo-ok na kasing-kasing ini nga tawag ko. Upod ako niyo ngan sinasangga ko kamo ha kada-ut dara han sala, pero kinahanglan mag-abre kamo han iyo mga kalugaringon ha pag babag-o ngadto ha pagka Diyos-non ngan pagka santohanon, na an iyo kasing-kasing mag-siga unta dara han paghigugma ha Diyos. Tagui Hiya hin oras ngan ihahatag Niya an Iya Kalugaringon ha iyo ngan, dida ha kabobot-on han Diyos, ma-didiskubre niyo an gugma ngan kalipay hin pagka-buhi. Salamat han iyo pag-tagad hi-ne nga tawag ko." 11/25/2012 Tugon ha petsa Disyembre 02, 2012 "Hinigugma ko na mga anak, upod an kinag-anak na higugma ngan pasyensya, ino-otro ko an tawag ha iyo na mabuhi kamo oyon ha Anak ko, para ma i-sabog an Iya kalinaw ngan an Iya paghigugma, para, komo apostoles ko, makarawat unta niyo ha tibu-ok kasing-kasing an katinu-oran han Diyos, ngan mag-ampo para tabangan kamo han Espiritu Santo. Dida hi-ne makakapag-serbisyo kamo, upod an pag-sarig, ha akon Anak ngan mapapakita niyo an Iya paghigugma ha iba dida hiton iyo kinabuhi. Oyon ha paghigugma han akon Anak ngan an akon kinag-anak na gugma, naghihingkamot ako na mabalik ha gakus ko an tanan na anak ko nga nawawara, ngan mapakita ko ha ira an dalan han pag-sarig. Mga anak ko, buligi ako hi-ne nga kinag-anak na away ngan mag-ampo, upod ha akon, na unta makonsensya an mga nag-kasala ngan hira mag-basul hin tinu-od. Mag-ampo liwat para hadton mga guin pili han akon Anak ngan guin konsagra ha Ngaran Niya. Salamat ha iyo." 12/02/2012 Tugon ha petsa Disyembre 25, 2012 " An aton Mahal na Birhen nakan-hi upod, ha gakus niya, an guti-ay na bata na hi Hesus ngan waray hinatag na tugon, pero an batang Hesus nag-sugod pag-pulong ngan nag-siring: "Ako an iyo kalinaw, ikabuhi an akon mga sugo." Upod an pango-ngoros, an aton Mahal na Birhen ngan an batang Hesus naghatag han ira bendisyun. 12/25/2012 Tugon ha petsa Disyembre 25, 2012 Dida han katapusan na inadlaw na pagpapakita kan Jakov Colo hadton Septembre 12, 1998, nag-siring an aton Mahal na Birhen ha iya na tikang hadto magpapakita hiya usa ka beses kada tu-ig, ha kada Disyembre 25, adlaw han Pasko. Amo i-ne an nahitabo yana nga tu-ig. An pagpakita nagtikang han alas 2:15 ha kulop ngan umabot hin 10 ka minuto. Pagkatapos guin padara ni Jakov i-ne nga tugon: "Hinigugma ko na mga anak, ipamasko an iyo kinabuhi ha akon ngan itugyan an tanan ha akon para mabuligan ko kamo ma-intindehan an akon kinag-anak na paghigugma ngan an paghigugma han akon Anak para ha iyo. Mga anak, hinihigugma ko kamo hin waray sukod ngan yana nga adlaw, ha espesyal na pa-agui, ha adlaw han pagka-tawo han akon Anak, gusto ko karawaton an kada usa ha iyo ha kasing-kasing ko ngan mahatag ko liwat an mga kinabuhi niyo na pamasko ha Anak ko. Mga anak, hinihigugma kamo ni Hesus ngan guin hahatag ha iyo an grasya para mabuhi kamo dida han Iya kalo-oy, pero na-aabutan hin sala an kasing-kasing hadton kadam-an ngan nabubuhi kamo ha kasiruman. Sanglit, mga anak, ayaw paghulat, mag-siring na 'di-re' ha sala ngan itugyan an iyo mga kasing-kasing ha akon Anak, tungod na amo la i-ne iton pa-agui para mabuhi kamo dida han kalo-oy han Diyos ngan, upod hi Hesus ha kasing-kasing niyo, masusugdan niyo mag-lakad ha dalan tikadto ha pagka-salba." |