Our Lady Of Medjugorje

Messages From 1993 In Waray-Waray

Tugon ha petsa Enero 25, 1993 "Hinigugma ko na mga anak! Yana nga adlaw tinatawag ko kamo na karawton ngan seryoso-hon iton pag-bubuhi niyo han akon mga tugon. I-nen mga adlaw, adlaw di-in kinahanglan desidedo kamo para ha Diyos, para ha kalinaw ngan para ha kaupayan. Hina-ut unta na iton kada kama-sinahon ngan kama-abugho ma-wara ha kinabuhi ngan ha huna-huna niyo, ngan hina-ut na ma-bilin la iton pag-higugma ha Diyos ngan hiton iyo kaharani. Dida la hi-ne mahihi-mangno kamo hiton mga senyales dara hi-nen kapanahonan. Upod ako niyo ngan tinutugwayan ko kamo ha bag-o nga panahon, panahon hin grasya hatag ha iyo han Diyos para mas-makilala niyo Hiya. Salamat han iyo pag-responde hi-ne nga tawag ko."

Tugon ha petsa Pebrero 25, 1993 "Hinigugma ko na mga anak! Yana nga adlaw benebendisyunan ko kamo hit akon kinag-anak na bendisyun ngan nag i-imbita ha iyo ngatanan na mag bag-o hin kinabuhi pagka Diyos-non. Gusto ko mag-desisder iton kada usa ha iyo pag bag-o hin kinabuhi ngan mag-trabaho pa para ha Santa Iglesya, di-re la dida ha mga pulong ngan huna-huna, kundi pa-agui ha ehemplo, para iton iyo kinabuhi mahimo unta na malipayon pag-testigo para kan Hesus. Di-re kamo makaka-siring nga nag bag-o na kamo hin kinabuhi pagka Diyos-non, tungod kay kinahanglan gud iton inadlaw na pag babag-o niyo hin kinabuhi pagka Diyos-non. Para masabtan niyo kon ano iton kinahanglan niyo buhaton, mga anak, mag-ampo ngan tatagan kamo han Diyos hin kumpleto nga hirimo-on, ngan kon ha-in nga parte iton kinahanglan bag-ohon. Upod ako niyo ngan i-bubutang ko kamo ngatanan ha ilarum hi-nen akon mantel. Salamat han iyo pag-responde hi-ne nga tawag ko."

Tugon ha petsa Marso 25, 1993 "Hinigugma ko na mga anak! Yana nga adlaw, sugad hin waray ko himo-a pa, tinatawag ko kamo na mag-ampo para hin kalinaw, para hin kalinaw dida hiton iyo mga kasing-kasing, kalinaw dida hiton iyo mga pamilya, ngan para hin kalinaw ha bug-os nga kalibutan, tungod kay gusto ni Satanas iton magka-guerra, gusto niya iton kulang hin kalinawan, gusto niya gub-on iton ngatanan na maupay. Sanglit, mga anak, mag-ampo, mag-ampo, mag-ampo. Salamat han iyo pag-responde hi-ne nga tawag ko."

Tugon ha petsa Abril 25, 1993 "Hinigugma ko na mga anak! Yana nga adlaw ini-imbita ko kamo ngatanan para pokawon iton iyo kasing-kasing para mag-higugma. Kadto-a iton natoral na guin himo ngan tan-awa iton pag-mamata nira, ngan mabubuligan kamo mag-abre hiton iyo kasing-kasing ha gugma han Diyos, an Taga-Himo. Gusto ko na pokawon niyo iton pag-hihigugma dida ha pamilya niyo para kon ha-in man an may pagka-gubot ngan pagka-masinahon, iton gugma mag-hahadi, ngan kon may-ada gugma sulod hit iyo kasing-kasing despues a-ada liwat iton pag a-ampo. Ngan, mga anak, ayaw kalimot na upod ako niyo ngan guin bubuligan ko kamo, upod an akon pag-ampo, nga tagan kamo han Diyos hin kusog para makapag-higugma. Benebendisyunan ngan higugma-on ko kamo dara an akon kinag-anak na gugma. Salamat han iyo pag-responde hi-ne nga tawag ko."

Tugon ha petsa Mayo 25, 1993 "Hinigugma ko na mga anak! Yana nga adlaw ini-imbita ko kamo na mag-abre hin kalugaringon ha Diyos pa-agui ha pag a-ampo para mag-tikang pag-milagro an Espiritu Santo dida ha iyo ngan pa-agui ha iyo. Upod ako niyo ngan nag-hahangyo atbang ha Diyos para ha kada usa tungod, mga anak, kay importante an kada usa ha iyo para hiton akon plano pagka-salba. Ini-imbita ko na mag taga-dara kamo hin kaupayan ngan kalinaw. Matatagan la kamo han Diyos hin kalinaw kon kamo mag babag-o hin kinabuhi ha pagka Diyos-non ngan mag a-ampo. Sanglit, hinigugma ko na mga anak, mag-ampo, mag-ampo, mag-ampo ngan himo-a iton butang na guin i-inspira ha iyo han Espiritu Santo. Salamat han iyo pag-responde hi-ne nga tawag ko."

Tugon ha petsa Hunyo 25, 1993 "Hinigugma ko na mga anak! Yana nga adlaw malipayon ako liwat nga a-anhi kamo. Benebendisyunan ko kamo hin kinag-anak na bendisyun ngan guin-hahangyo ko an kada usa ha iyo atbang ha Diyos. Tinatawag ko kamo pag-otro na ika-buhi ngan ipag-tuman an akon mga tugon. Upod ako niyo ngan benebendisyunan ko kamo ngatanan adlaw-adlaw. Hinigugma ko na mga anak, espesyal i-ne nga kapanahonan, sanglit, inu-updan ko kamo para higugma-on ngan bantayan; para ma-bantayan iton iyo mga kasing-kasing kontra kan Satanas ngan para dad-on kamo pa-harani ha kasing-kasing han Anak ko, na hi Hesus. Salamat han iyo pag-responde hi-ne nga tawag ko."

Tugon ha petsa Hulyo 25, 1993 "Hinigugma ko na mga anak! Salamat han iyo mga pag-ampo ngan pag-hihigugma na guin papakita niyo ha akon. Ini-imbita ko na magma-desidedo kamo pag-ampo para han akon mga intensyun. Hinigugma ko na mga anak, mag-halad kamo hin mga nobena, mag-himo hin mga sakripisyo kon di-in, ha pamati niyo, mas kinahanglanon. Gusto ko na iton iyo kinabuhi ma-bugkos ha akon. Ako an Nanay niyo, mga anak, ngan di-re ko gusto nga limbongan la kamo ni Satanas tungod kay gusto niya dad-on kamo ha sayop nga agui-an, pero di-re niya mahihimo i-ne kon di-re niyo tutugotan hiya. Sanglit, mga anak, sigue-ha hin otro iton pag a-ampo dida ha kasing-kasing niyo, ngan ma-iintendihan niyo i-nen akon tawag ngan an akon buhi nga kagustohan mag-bulig ha iyo. Salamat han iyo pag-responde hi-ne nga tawag ko."

Tugon ha petsa Agosto 25, 1993 "Hinigugma ko na mga anak! Gusto ko ma-intendihan niyo na ako Nanay niyo, na gusto ko maka-bulig ha iyo, ngan nag-tatawag ha iyo ha pag-ampo. Pa-agui la ha pag-ampo niyo ma-iintendihan ngan makakarawat iton akon mga tugon, ngan ma-ibubuhi niyo. Basaha iton mga Sagrado nga Surat, i-buhi ito, ngan mag-ampo para ma-intendihan niyo iton mga senyales hinen kapanahonan. Espesyal i-ne nga panahon, sanglit, a-anhi ako upod niyo para buto-ngon kamo pa-harani ha kasing-kasing ko ngan ha kasing-kasing han Anak ko, na hi Hesus. Hinigugma ko na mga anak, gusto ko na kamo mahimo nga anak han ka-hayag ngan di-re han ka-siruman. Sanglit, i-buhi i-nen akon guin pupulong ha iyo. Salamat han iyo pag-responde hi-ne nga tawag ko."

Tugon ha petsa Septembre 25, 1993 "Hinigugma ko na mga anak! Nanay ako niyo ngan ini-imbita ko kamo na magpa-harani pa ha Diyos pa-agui ha pag-ampo tungod kay Hiya la iton iyo kalinaw ngan taga-salba. Sanglit, mga anak, ayaw pamiling hin pagka comportab-le ha mga butang materyoso, imbes, pangita-a an Diyos. Guin a-ampo ko kamo ngan nag-hahangyo atbang ha Diyos para han tag-sa ka tawo. Guin bibiling ko an iyo mga pag-ampo na kinakarawat niyo ako ngan an akon mga tugon sugad hadton una nga mga adlaw han akon pagpapakita, nga di-in abre an iyo kasing-kasing ngan nag-ampo kamo na mahitabo an mga milagro. Salamat han iyo pag-responde hi-ne nga tawag ko."

Tugon ha petsa Oktubre 25, 1993 "Hinigugma ko na mga anak! I-nen yana nga katu-igan sigue an akon tawag ha iyo na mag-ampo, na ika-buhi an akon mga tugon; pero guti-ay la iton iyo pag-bubuhi han akon mga tugon. Nag-yayakan kamo; pero di-re niyo guin bubuhi, amo, mga anak, nga nag-iiha i-nen guerra. Ini-imbita ko kamo na mag-abre hiton iyo kalugaringon ha Diyos ngan ha kinasing-kasing nga kina-buhi upod an Diyos, ha sigue pag-buhi hiton ma-upay ngan pag-tetestigo bahin han mga tugon ko. Higugma-on ko kamo ngan gusto ko ma-protektahan kamo kontra ha kada usa nga kada-utan, pero di-re niyo gusto i-ne. Hinigugma ko na mga anak, di-re ako makaka-bulig ha iyo kon di-re niyo kina-bubuhi an mga bala-od han Diyos, kon di-re niyo ika-bubuhi an misa, kon di-re kamo huhunong ha pag-sasala. Ini-imbita ko kamo na mag-apostoles hin gugma ngan ka-upayan. Din-he ha ma-gubot nga kalibutan mag-testigo para ha Diyos ngan hiton pag-hihigugma han Diyos, despues, bebendisyunan kamo han Diyos ngan tatagan kamo hiton ina-aro niyo ha Iya. Salamat han iyo pag-responde hi-ne nga tawag ko."

Tugon ha petsa Nobyembre 25, 1993 "Hinigugma ko na mga anak! Ini-imbita ko kamo hi-ne nga panahon sugad hin waray ko pa himo-a, para mag-andam ha pag-abot ni Hesus. Tugoti hi Ni?o Hesus na mag-hadi ha mga kasing-kasing niyo ngan, kon sangkay na kamo na hi Hesus, malilipay kamo. Di-re makuri ha iyo iton mag-ampo o mag-halad hin mga sakripisyo o mag-testigo bahin han gahum ni Hesus dida ha kinabuhi niyo tungod kay tatagan kamo Niya hin kusog ngan kalipay. Harani ako ha iyo dara han akon pag a-ampo ngan pag-hahangyo, ngan higugma-on ngan benebendisyunan ko kamo ngatanan. Salamat han yo pag-responde hi-ne nga tawag ko."

Tugon ha petsa Disyembre 25, 1993 "Hinigugma ko na mga anak! Yana nga adlaw malipayon ako upod an Ni?o Hesus ngan gusto ko na an kalipay ni Hesus maka-sulod unta ha kada kasing-kasing. Mga anak, upod hi-nen akon tugon ha iyo an bendisyun ka-upod an Anak ko na hi Hesus, para mag-hadi an kalinaw ha kada kasing-kasing. Higugma-on ko kamo, mga anak, ngan ini-imbita ko kamo na magpa-harani ha akon pa-agui ha pag-ampo. Sigue iton iyo pag-yayakan pero di-re kamo nag a-ampo. Sanglit, mga anak, mag-desider para ha pag a-ampo. Amo la i-ne nga pa-agui na kamo malilipay ngan tatagan kamo han Diyos hiton guin a-aro niyo ha Iya. Salamat han iyo pag-responde hi-ne nga tawag ko."