Our Lady Of Medjugorje
Messages From 2005 In Papiamento
Mensahe di dia 25 di yanüari 2005 "Mi yunan stimá! Esaki ta tempu di grasia i Mi ta invitá boso, manera Mi ta hasi kontinuamente, pa boso resa sin kansa. Resa, mi yunan stimá, pa unidat di tur kristian, pa nan tur por ta un kurason i un alma so. Unidat di Iglesia lo bira realidat dia ku boso sa resa i sa pordoná. No lubidá: stimashon lo triunfá si boso resa i boso kurason lo ta habrí. Danki pa korespondé na mi yamada!" 01/2005
Mensahe di 25 di febrüari 2005 "Mi yunan stimá. Awe Mi ke invitá boso pa boso ta mi man hisá riba e mundu akí, ku ta laga Dios na e último lugá. Bosonan, mi yunan stimá, pone Dios na e promé lugá di boso bida. Dios lo bendishoná boso i lo duna boso forsa pa testiguá ku Dios ta un Dios di amor i di pas. Mi ta ku boso i mi ta intersedé pa boso tur. Mi yunan stimá, no lubidá ku mi ta stima boso ku amor tierno. Danki pa korespondé na mi yamada." 02/2005
Mensahe di 25 di mart 2005 "Mi yunan stimá! Awe mi ta invitá pa boso biba den amor. Mi yunan stimá, stima otro ku e mésun amor di Dios. Den tur momentu, den alegria i fèrdrit, stimashon mester prevalesé, i, di e manera akí, stimashon lo kuminsá reina den boso kurason. Hesus resusitá lo ta ku boso i bosnan lo ta su testigu. Lo Mi legra masha ku boso i lo Mi protehá boso bou di mi mantel di Mama. Na un manera spesial, lo Mi mira ku amor boso kombershon, tarea di tur dia. Danki pa korespondé na mi yamada!." 03/2005
Mensahe di 25 di aprel 2005 "Mi yunan stimá. Awe tambe Mi ta invitá boso pa renobá boso orashon huntu ku boso famia. Mara Spiritu Santu, Kende ta Esun ku ta renobá boso, por drenta boso kas pa medio di orashon i lesamentu di Santa Skritura. Di e forma akí, boso lo bira edukadónan di fe den boso famia. Ku boso orashon i ku boso amor, mundu lo kana riba un mihó kaminda i amor lo kuminsá dirigié. Danki pa korespondé na mi yamada!." 04/2005
Mensahe di 25 di aprel 2005 "Mi yunan stimá! Atrobe mi ta invitá bosonan pa biba mi mensahenan ku humildat. Spesialmente duna testimonio di nan, awor ku nos ta aserkando e aniversario di mi aparishonnan. Mi yunan stimá, sea ehèmpel pa esnan ku ta biba leu di Dios i di su stimashon. Mi ta ku boso i Mi ta bendishoná boso ku amor di Mama. Danki pa korespondé na mi yamada!" 05/2005
Mensahe di 25 di yüni 2005 "Mi yunan stimá! Awe Mi ta yama boso danki pa tur sakrifisio ku boso a ofresé pa mi intenshonnan. Mi yunan stimá, Mi ta invitá boso pa bira mi mensaheronan di pas i di stimashon den boso kas di famia i den hinter mundu. Resa pa Spiritu Santu lusa boso i guia boso riba e kaminda di santidat. Ami ta ku boso i Mi ta bendishoná boso ku mi bendishon di Mama. Danki pa korespondé na mi yamada." 06/2005
Mensahe di 25 di yüli 2005 "Mi yunan stimá. Awe tambe Mi ta invitá boso pa resa durante henter orashonnan kòrtiku, yen di amor. Ora boso resa, boso kurason ta habrí i Dios ku ta stima boso ku un amor spesial, lo duna boso grasia abundante. P´esei, uza e tempu akí di grasia i konsagr´é na Dios, manera nunka boso a hasié promé. Hasi nobenanan di ayuno i mortifikashon, p´asina satanas keda bai leu fo´i boso i grasia di Dios keda ku boso. Ami lo ta serka boso i mi ta intersedé pa kada un di boso dilanti di Dios. Danki pa korespondé na mi yamada!" 07/2005
Mensahe di 25 di ougùstùs, 2005 "Mi yunan stimá! Awe tambe mi ke invitá boso pa kumpli ku mi mensahenan. Dios a duna boso e tempu akí manera un tempu di grasia. P´esei, mi yunan stimá, boso mester probechá kada minüt i resa, resa, resa. Ami ta bendishoná boso i mi ta intersedé pa kada un di boso. Danki pa korespondé na mi yamada!" 08/2005
Mensahe di 25 de Sèptèmber 2005 "Yunan stimá! Den mi amor pa boso, mi ta bisa boso: kombertí, ounke boso ta leu for di mi kurason. No lubidá, Ami ta boso Mama i Mi tin sufri hopi pa kada un di boso ku ta biba leu fo'i Mi, pero Mi no ta bandoná boso nunka. Mi ta kere ku boso por bandoná boso bida di piká i kuminsá un bida santu. Danki pa korespondé na mi yamada." 09/2005
Mensahe di 25 di òktober 2005 "Mi yunan stimá! Kere, resa i stima, i Dios lo ta huntu ku boso. Lo E duna boso tur grasia ku boso pidiÉ. Mi ta un don pa boso, pasobra Dios ta pèrmití Mi ta huntu ku boso tur dia i stima kada un di boso, ku un amor sin límite. P´esei, mi yunan stimá, habri boso kurason i sea testigunan di mi presensia den orashon i humildat. Danki pa korespondé ma mi yamada." 10/2005
Mensahe di 25 di novèmber 2005 "Mi yunan stimá. Awe tambe Mi ta invitá boso: resa, resa, resa te ora orashon bira bida pa boso. Mi yunan stimá, den e tempu akí, na un manera spesial, Mi ta resa na Dios pa E duna boso e don di fe. Ta solamente den fe so, boso lo deskubrí e legria di e don di bida ku Dios a duna boso. Boso kurason lo sinti un legria profundo ora boso pensa riba eternidat. Ami ta ku boso i Mi ta stima boso ku amor tièrno di Mama. Danki pa korespondé na mi yamada." 11/2005
Mensahe di dia 25 di dezèmebr 2005 "Mi yunan stimá. Awe tambe mi ta trese pa boso, den mi brasa, dibino Niño Hesus, Rei di pas, pa E bendishoná boso ku su pas. Mi yunan stimá, awe Mi ta invitá boso pa boso bira na un manera spesial mi mensaheronan di pas, den e mundu akí sin pas. Dios lo bendishoná boso. Mi yunan stimá, no lubidá: Mi ta boso Mama. Mi ta bendishoná boso tur ku un bendishon spesial, ku dibino Niño Hesus den mi brasa. Danki pa korespondé na mi yamada." 12/2005
